Annáll ársins og eftirminnileg atvik :)

Það er við hæfi á seinasta degi ársins að nefna helstu viðburði ársins , góða og slæma:)

Janúar og þar fram eftir götum er alltaf óspennandi, skólinn nýbyrjaður, það er kalt og lítið að gerast :), afmælið mitt var í febrúar og 19 ára aldurinn er alls ekkert spennandi eins og flestir sem orðnir eru 19 ára kannast við !
  Skólinn kláraðist þá önnina með glans og þá var bara eitt í stöðunni ! og það var að skella sér norður í faðm þeirrar frábæru fjösldyldu í Glaumbæ, en þau hýstu mig allt sumarið og þurfti ég ekkert að gera í staðinn!!! aldrei verið heilt sumar þar sem ég þurfti ekkert að vinna fyrir utan vinnuna! svo hélt Gísli að hann væri að þræla mér út! mikill misskilningur þar á ferð :) Það var frábært að vera hjá þeim og gott að fá KJÖt :) svona oft :) Enn og aftur takk fyrir mig :)

Hápunktar sumarsins voru að sjálfsögðu nokkrir, við skulum sleppa því að minnast á þá slæmu, heldur rifja upp skemmtileg atvik líkt og heimsóknir að næturlagi, minnist þess best þegar Jóki kom allt í einu inni herbergi talandi um að hann gæti allveg keyrt heim, hann væri ekkert fullur, heldur væri það Jói Spritt sem væri fullur og þar sem þeir deildu nýra þá yrðu þeir báðir teknir fyrir ölvunarakstur ;) haha.

Sumarnótt á Landrover þegar við fórum í Grófargilsrétt að skoða graðhesta í miðriviku, bara snilld, Svo kenndi ég óla á Grófargili hvernig ætti að stjórna hesti, gekk allt saman vel, enda reiðmaður frá bernsku aldri ;)

Gráni og hestvagninn / léttikerran sló í gegn með Einar á Skörðugili við hliðina á mér :)

Ingimar á Ytra og fjölskylda stóðu fyrir sínu og margir skemmtilegir reiðtúrar þar að baki, eftirminnilegast er þegar riðið var í Brautarholt og Ragnheiður og Ingimar riðu á vaðið og duttu næstum af, enda sannast þá málshátturinn, Heimskum skal á foraðið etja :)

Reiðtúrar með ýmsum yfir Reykjarhólinn og stoppað á Hótelinu í Varmahlið til að fá sér bjór !

Ekki má gleyma Landsmóti! vá... það er kona í Noregi... (einkahúmor, orðinn veeerulega þreyttur ;) )

Svo gekk veturinn í garð með öllu tilheyrandi, þar á meðal skólinn.... Auðvitað sinnti maður honum af gamalkunni visku, s.s lítið og einbeitti ég mér því frekar að björgunarsveitastarfi, enda er það mun mikilvægara en menntum mín.. he hemm... :) allt gekk vel í hundunum til að byrja með, fékk hann Glanna minn sem var bara frábær en það endaði illa , stundum held ég að það sé álög á mér gagnvart dýrunum mínum. Hann þurfti að kveðja og ég sat eftir með sárt ennið.... En svona er þetta víst, þeir missa sem eiga.

Björgunarhundasveitin stendur að sjálfsögðu fyrir sínu, þar er maður búinn að eignast frábæra kunningja og allur hópurinn frábært fólk :) Ragga stóð eins og klettur við hliðina á mér þegar við kepptum í x-factor, bara skemmtilegt og geri aðrir betur, hún beið með mér í 11 !! klukkutíma :D , já og svo var það hún Kolla sem hringdi á 5 mín, fresti til að athuga hvernig gengi! gott að einvher hefur trú á manni :) Takk þið báðar :* Svo fóru Ragga og Maurice með mér á Hæl í Borgarfirði að skoða hvolp, Maurice benti á einn og sagði mér nánast að velja þennan. Nú hann varð fyrir valinu og heitir Morris ;)

Annað vil ég minnast á og það eru dauðsföllin sem urðu á þessu ári, um páskana gerðist sá atburður að frændi Birnu lést í vinnuslysi ungur að aldri og lét eftir sig þrjár litlar stelpur. Ég votta Birnu og allri fjölskyldu hennar samúð mína.

Bílslys voru tíð á árinu og nú rétt fyrir jól lést lítil 5 ára stelpa í bílslysi og bróðir hennar aðeins eldri er lamaður og á langa sjúkrahúsvist fyrir höndum.

Skugga setti á Björgunarhundasveitina þegar dóttir Elínar lést aðeins 24 ára gömul, ég votta  fjölskyldu hennar samúð mína. Það á enginn að lifa af börnin sín, megi Guð gefa þeim styrk.

Að lokum vil ég minnast allra sem eiga um sárt að binda um jól og áramót, það er ekki alltaf gleði á þessum tímum. Annars vil ég óska öllum Gleðilegs nýs árs og farsældar á nýju ári :D

.... Þó að þessi texti eigi við hunda, þá finnst mér þetta passa líka við þá sem við hlökkum til að hitta þarna uppi þegar við förum :D

Regnbogabrúin


Hérna megin við himnaríki er staður sem kallast Regnbogabrúin

Þegar dýr sem hefur verið sérstaklega nákomið okkur deyr þá fer það til Regnbogabrúarinnar. Þar eru engi og hólar fyrir alla þessa sérstöku vini okkar þar sem þau geta hlaupið og leikið sér saman. Þar er nægur matur, vatn og sólskin og vinum okkar er hlýtt og líður vel.

Öllum dýrum sem hafa verið veik og gömul fá heilsuna og kraftinn aftur og þau sem voru meidd og örkumla eru gerð heilbrigð aftur eins og við munum eftir þeim í draumum okkar þegar fram líða stundir. Dýrin eru hamingjusöm og sátt, fyrir utan eitt, þau sakna sérstaks vinar sem varð eftir hinum megin.

Þau leika sér öll saman en sá dagur kemur að eitt þeirra stoppar og horfir í fjarska. Björtu augun eru einbeitt; ákafur líkaminn titrar. Allt í einu er hlaupið frá hópnum, á harðastökki yfir grasið, fæturnir hreyfast hraðar og hraðar.

Það hefur sést til þín og þegar þið, sérstöku vinirnir hittist loksins þá fallist þið í faðmalag við gleðilega endurfundi og þurfið aldrei að skiljast að aftur. Hamingju kossar rigna yfir andlit þitt; hendur þínar strjúka ástúðlega yfir höfuðið á honum og þú lítur enn einu sinni í græskulaus augu hundsins þíns, svo langt síðan hann hvarf úr lífi þínu en aldrei úr hjarta þínu.

Þá farið þið yfir regnborgabrúnna saman...